Na filifilia e le Atua Solomona e fai ma tupu o lona nu'u ona o lona atamai ma le poto e ala mai i lona fa'atuatua ma le talitonu i le Atua soifua,ua ta'uamiotonuina ai fo'i o ia. Na fa'apea ane ai le Tupu o Solomona: "O le mata'u i le Atua o le amataga lea o le poto". Lea ua tatou maua ai nei le atamai fa'asoasoa i tu ma aga i fanua a le atunu'u. 

     Ua ou fa'aavanoaina lenei itulau eletise mo se fesoasoani i le lautele e le o maua ina ni lolomiga o fa'alupega o Samoa atoa ma upu o lauga. Ua tele ni lomiga ua fa'atauina i le tau ona o le tamaoaiga ma pisinisi lautele. Ua tele fo'i tusitusiga ua teuina ona o mea totina a tagata, o le ala lea ua le maua tele ai e tagata, e ua galala i le aganu'u. O le autu moni lena o la'u itulau...ina ia maua atili ma a'oa'oina ai le tele o tupulaga o lo'o latou fia maua ma fia puipuia le aganu'u.