Make your own free website on Tripod.com
LAU AGANU'U | FA'ALUPEGA O TUTUILA | FA'ALUPEGA O UPOLU | FA'ALUPEGA O SAVAII | FA'ALUPEGA O MANU'A | CONTACT | LOLOMI FEFILOI I | LOLOMI FEFILOI II | LOLOMI FEFILOI III

Home

Samoa Aua Ne'i Galo Lau Aganu'u
LOLOMI FEFILOI I

.

UPU TOMUA I MALIU, requested by Tevesi Siliva
1
Ua pa'u le masina, Ua toto toto ai nei le Aniva
Ua manumanu lo'u pale fuiono, Ua motusia la'u fa'asolo
2
Ua lagia Finao ma 'ua masaesae lagi
Ua mafuli le masina, Ua solo atoa a ea i le 'olo
Ua tafea le 'autapale i le vasaloloa
Ina ua motu le soa
3
Ua peia le taualuga o Manu'a
Ma ua nuti la'u kate i le vaipuna



1.AMATA LAUGA requested by M. Fa'ate'ia, Savaii

Ua lupepe le taumanu'ula
Aua le taufa'anu'u ua malu mai luma
Aua ua ta'a ali'i fo'i le igafo o le tua'au




(Fa'amatala mai Eddie......Ioane Sua, Afono)
"UA FEAGAI VINI MA TAPANA"
O lenei fuaitau e fa'asino tonu lea I motu tu fa'afesaga'i e lua I le itumalo o Aleipata, o igoa o nei motu o Vini ma
Tapana. E I gatai onu lava o le afioaga o Satitoa Aleipata ia nei motu, ma e iloa lelei lava I va'a pe a o'o ane ni faigamalaga I gatai o Satitoa. Ona iloa atu ai lea o le tutu fa'afesaga'i lelei lava o nei motu o Vini ma Tapaga.
E mafai foi ona fa'atatau lenei fuaitaui se feiloaiga ani tamali'i, I se feiloaiga ua leva ona tuupoina; ma fuafua se
vaitau ma se aso lelei e feiloai ai. Ona ave loa lea iai o lenei fuaitau I lena feiloaiga.

"UA SAU LE VAA NA TIU TAU MAI LE VAA NA TAU; AE O LOO MAMAU PEA LAGO O LE VAA NA FOLAU"
O lenei fuaitau e mafua mai I le alii o Lilomaiava, lea sa oo atu I le sefulumaletasi ana usuga. O le Lilomaiava lenei sa sili ana usuga ia Tui A'ana Tamaalelagi o A'ana e sufulu ana usuga.Sa mafua lenei fuaitau ina ua mana'o le alii lenei o Lilomaiava I le tamaitai o Samalae'ulu le alo o Faumuina.Peita'i, sa iloa lelei lava e Lilomaiava e le au lana usuga ona ua o'o I taimi o lona tagata matua, lea
na ia faatonuina ai lona atali'i o Aiolupotea ina ia taai fa'a-fala ane e momoe ma Samalae'ulu; ina ia tau ai lana usuga mulimuli lea. O lea le fuafuaga a lilomaiava na iloa e le isi ona atali'i e igoa ia Peseta. Ma teva 'ese ai Peseta ma le aiga ona o le ita I le mea ua fuafuaina e lona tama;talu le mana'o I le numera tele o ana usuga soona fai.
O lea na I'u ai lava ina to ai le tama'ita'i o Samalae'ulu, ae ole va'a na Tau e fa'atusa I le ali'i o Lilomaiava ua na o le nofo fale ua toeaina.

"UA TALO SOIFUA LE OLA AUA UA TO I TUA APOLIMA"
O le upu lenei e fai e tagata faigamalaga pe a o'o ina latou sopoia le 'afa toso fa'alava a le alii saua o Tupu'ivao le alo o le tupu o Taufau I se vaega o le Alataua I sisifo o Savai'i. O le igoa o le fanua sa toso fa'alava ai le toso a lenei ali'i saua o Apolima. Afai ae lavea ai se tagata I le afa toso loloa a lenei ali'i saua, ona migoi loa lea o le afa ma iloa ai le ali'i Tupu'ivao; ua iai se tagata ua ia oli lana 'afa toso loloa. O le taimi loa lena e na te osofaia ai lenei tagata poo lea aumalaga, ma ia faaoo I ai le oti e leai ma se avanoa e faasaoina ai. A oo
la ina faasaoina mai e ala I le leai o se tagata e lavea ai I lea afa toso loloa, ona iloa ai lea ua manuia le faigamalaga ua leai ona fetoai ma ni malaia. Ona faia ai loa lea o lena fuaitau e pei ona taua I luga.E mafai foi ona fa'aogaina lea fuaitau I se fa'alavelave sa fuafua o le a tulai mai, e pei ose 'afa ua folifoli o le a oso mai poo ni lologa; ae tei ane ua toe vaaia le lagilelei o le aso. Ona mafai ai loa lea ona fa'aaoga I ai le fuaitau e ala I le fa'apea, "UA TALO SOIFUA LE OLA I LE ALOFA MA LE AGALELEI O LE ATUA INA UA TO I TUA PUAPUAGA (APOLIMA) SA FA'APEA O LE A TATOU FA'AFEAGAI AI".




Fa'ata'ita'iga:
Folafola Sua

O le a ou tu nei i si'ui ma ou sausau i moana
Ou te fa'atulou atu i le pa'ia o le maota
Faliu ia se silafaga maualuga i lau afioga........(fa'alupega o le olo'o ave ai le sua)
Ou te tautala i le teu fa'atupu ma le teu fa'atamali'i
Ua faliu ma fa'afao i ai a'ao o le afioga.....
(fa'alupega o le aumai ai le sua)
O le a ou folafolaina atu
Ua iai lau sua ta'i
Ua iai le vailolo
Ua iai le fa'avevela
Ua iai le soli paepae
Ua iai le ufilaulau e $50
Ufita'i i le 'ie papalagi

Liugalua lo'u leo
Ua iai lau sua tali sua
Ua iai le ta'ai fa
Ufita'i fo'i i le 'ie o le malo
Malo teu fa'atupu ma teu fa'atamali'i, fa'afetai fa'aaloalo




Folafola Taumafa

Sila malo maia....(fa'alupega o le afioaga)
O le a ou taumafai e folafola le saumolia
Po'o le fa'aoso ua ma'au i ai le afioga ia (fa'alupega o le malaga)

Tautala i fua o malo ma le fua o fa'aaloalo
O le fula ma le mamala

Ua iai le manufata, 30 paelo, 20 pusa 'apa, 10 pusa masi
Ua iai ma pata, ma teuga fa'atamali'i
Fa'afetai le teu, fa'afetai le fa'aaloalo




1. Solo Tautu 'Ava(requested by Milo T, Samoa)

Ua fa'aifo lupe o le toafa
Ua uma fo'i ona tofi le la'au na i Foga'a
Ua tatala pa sina lo tatou taeao
Ua tepa tau measina le aso
A ua 'ula i maota lo tatou manaia
Ua moni le tala a le poto
O le fa'amoemoe ua taunu'u
O le la'au lea o le ola
Ua to'a le tai o alo
Ae loloma le tai o Tumua
Ua motu i le lagi le fetu tali matagi
E pei o le ti'a a Ulualo Faiga Tali Matagi
Na i Poutasi ma Falemalama
O le ti'a ulu tonu ma le ti'a malie
O le fetalaiga i se ulugali'i
Ua soli ga'a le seuga
A ua tu'u upega lupe o lauga
A o le agatonu
Ua matou suia i vai manino ma vai malulu
A mavaevae le efu ma le upega
O a'u o le a fa'asoasoaina

Fa'aavanoaina mo oe

La'u Imeli